بالفعل مرّت الأيام سريعة.. يوم الثلاثاء استلقى على نفس السرير وأشعل في فمه نفس المصباح، قام الطبيب بحفّ جوانب السنين.. ثم تناول الجسر الجديد وركّبه تماماً بالمقاس على السنين بعد تثبيته جيداً بحشوات وشناكل داخلية.. ثم أحضر المرآة لأبي يحيى وقال له «شوف»؟؟ وإذا بأسنانه بيضاء تسرّ الناظرين أجمل من أسنان راغب علامة أيام شبابه..
الطبيب: هيك حجي بتقدر توكل عليه زي ما بدّك!
ابو يحيى: مش هامني الأكل.. بقدر أسب زي ما بدي؟؟..
الطبيب: بتقدر تسُب براحتك.. شغال 100 %مكفول نص مليون مسبّة من الزنار وتحت.
أبو يحيى: طيب قديش ممكن يمشيني الجسر وما يقع!
الطبيب: يعني أربع.. خمس سنين..
ابو يحيى: بس؟؟
الطبيب: قوم حجي قوم.. اذا جسر المحطة اسبوع ووقع.. مش عاجبك جسر اسنانك يقعد معك 5 سنين!
الرأي
