فضيحة.. 4 لاعبين من المنتخب المصري يتحرشون بعارضة أزياء (فيديو)

مدار الساعة - اتهمت إحدى مستخدمي موقع التواصل الاجتماعي “انستجرام” وتدعى “ميرهان” وتعمل موديل للعديد من البراندات العالمية، 4 لاعبين من منتخب مصر بالتحرش بها على حسابها الشخصي.

ونشرت “ميرهان” فيديو بخاصية “ستوري” على حسابها على “انستجرام” قالت خلاله: “استنوا عليا شوية النهاردة بس افضى وانزلكم حاجة هتسليكم جدا وهتحزنكم وتقرفكم برضو جدا بس ده الواقع اللي لازم نفهمه”.

وأضافت: “والله يا جماعة أول امبارح ده كان يوم حافل، أول ما نزلت “ستوري” جديدة فجأة الناس دي ظهرت عندي”.

وظهر في الفيديو حسابات عمرو وردة وأيمن أشرف وأحمد حسن كوكا ومحمود حمدي الونش، لاعبي منتخب مصر.

وتابعت بالصور: “أن اللاعب عمرو وردة دخل لها على الخاص وكتب “بوكسينج ها ها ها ” تعليقًا على البوست الخاص بها”، فيما علق اللاعب محمود حمدي الونش على البوست الخاص بها برسالة تحمل علامة الإعجاب يصحبها علامة قلب على الشات بينهما”.

وأوضحت “ميرهان”: “فجأة وراها على طول الرسايل بدأت.

أولا أنا دايما برد على رسايلي خصوصا لو مصريين عشان محدش يقول واخدة في نفسها قلم

بس إن المنتخب الوطني كله يظهر عندي في نفس الوقت دي غريبة جدا وأكيد مش صدفة”.

وتابعت: “ولحد كده كان عادي مفيش مشكلة، لكن واحد من الأساتذة يبعت يقولي أنا هعرف أجيب رقمك وانتى متعرفيش أنا مين وأنا محدش يطنشني دي بقى مش مظبوط. للأسف عندنا في مصر لما بيحبوا حد في مصر لما بيحبوا حد بيطلعوه السما كأنه بطل، والواقع غير كده خالص، احنا في مصر لو انتى بنت يبقى الغلط عليكي تلقائي بس احنا هنا مش في مصر، يا ريت الأساتذة يركزوا عالبطولة اللي الراجل الغلبان عندنا في مصر بيستلف ثمن الشاي عشان ينزل يتفرج عليكوا ده ما يجيلوش غلطة، والأستاذ اللي بيقولي انتي مش عارفة أنا مين؟ لا معرفش.. بس عرفت بقى لما سألت وعرفت إن ليك سوابق في المواضيع دي والكل عارفها”.

وحذرت “ميرهان” من إبداء الإعجاب لصور المنتخب، قائلة: “يا جماعة خدوا بالكم قبل ما تتجرأوا وتعملوا لايك لصورة المنتخب، واضح إن اللعيبة سايبة البطولة وقاعدين عالانستجرام بيتفرجوا. مجال مقرف فعلا”.

وانتشر الفيديو بشكل كبير على موقع “انستجرام” قبل أن تقدم “ميرهان” على مسحه من على حسابها الشخصي.