مرات كتير بفكر معقول كل شخصين بالحياة لما التقو كان يشبهو بعض، وفيهم من بعض او حتى بحبو نفس الاشياء مع بعض .. !
بفكر مرات انه هل ممكن الاختلاف هو الي يجمعهم مش العكس ؟؟
اكتشفت مع الوقت وبقصص كتير، وبابطال حقيقين ما كانو ممثلين بمسلسلات ولا افلام، انه بكتير مرات بكون التناقض هو شكل من اشكال الحب بس بنمط مختلف .. ! النمط الي بيعطيك سبب للمتعة، ويكون بعدم الرتابة من الاساس، وبالعكس هو بيخلق نوع جديد من الانجذاب بين الاشخاص…
بكتير من الامثلة لما حدا يحب يقرا كتاب والتاني يحب يحضر سباق سيارات، او ممكن بطريقة الرد بالحب على الكلام الي بينحكى، او ممكن يكون بنمط الموسيقى المختلف عند الشخصين، او ممكن الاماكن الي بزوروها سوا، او ممكن بحبهم لاشياء مختلفة، او حتى ردودهم المختلفة تجاه المواقف الي بواجهوها مع بعض.
مش دايما صح نختار الشخص المناسب او الافضل ويكون مرسوم رسم، يمكن لازم نختار الشخص اللي رغم كل سيئاته يكون هو اللي مصرين عليه، طبعا كل هاد (في حال كنا نحب من الاساس ) اما اذا ما حبينا كل ما ذكر سابقا فهو غباااار.
مع الوقت صرت أآمن انه الحبّ هو إلغاء كامل للأنانية، هو انك تنقل اهتمامك من ذاتك إلى لشخص آخر.
