مدار الساعة - ردت الناشطة الاعلامية ديما علم فراج على منشور النائب سعود ابو محفوظ الذي علق بخصوص انتخابات نقابة المهندسين الاردنيين، وهزم فيها مرشحو الاخوان المسلمين.
وقال فراج في منشور لها على "الفيسبوك":
بالنسبة لمنشور ابو محفوظ ... اوجه كلامي للحركة الاسلامية الي جد حزنانة عليها وين وصلت فيها الامور .. وما بوجه كلامي له ..
لمتى لغتكم برفض الآخر، وكل الي مش معكم اما "مثلي" واما لاديني وماسوني وحكومي وامني. الى متى؟
نقابة المعلمين، انتخابات نيابية وبلدية ، انقسامات داخلية .. كتلتكم تحت القبة لم تحدث اي فرق لليوم ...
كله "مؤامرة" كونية؟ ولا سلسلة اخطاء منكم ؟
نصيحة للحركة الاسلامية من اردنية عربية مسيحية، راجعو خطابكم، وراجعوا تنشئتكم لقواعدكم، حلوا خلافاتكم الداخلية اعملوا ربيع عربي داخل الحركة، واجهوا فيها تطورات المرحلة، اسقطوا القيادات الي ما تغيرت من عشرات السنوات ومنعت الشباب انهم يتقدموا في الحزب والجماعة.. وانتبهوا .. انه الي متل ابو محفوظ صار قيادي عندكم ... بدل اسحق الفرحان وعبداللطيف عربيات وغيرهما من القيادات ...
والمضحك ان ابا محفوظ يتقبل الغير فقط عند الانتخابات هل تذكر يا ابا محفوظ لما دخلت على خمارة تطلب أصوات؟ .. وطبعا بحب اذكرك انك اعترفت بهاي الحادثة ...
سؤال : انتبهت الجماعة قبل ما تهاجم مؤسسات الدولة الاردنية، انه الاردن البلد الوحيدة في المنطقة الي ما حبستهم ولا اعتقلتهم ولا اعدمتهم بالشوارع ولا اعلنتهم تنظيماً ارهابياً على مواقفهم زمن الربيع العربي؟، بحبوا يتذكروا فرعنتهم بالربيع العربي؟ لما ما شافو البلد بعينهم؟ ترى نحن مش ناسيين حتى لو هم فقدوا الذاكرة
حزينة عالحركة الاسلامية ومش متشمتة ...
