موسى حجازين لـ الملقي: من يوم ما دولتك لبست الجينز صار سطو على بنكين
مدار الساعة ـ نشر في 2018/04/09 الساعة 16:19
حجم الخط
مدار الساعة - رصد - تحت عنوان "الجينز يجلب الفال السيئ؟؟!!" كتب الفنان الاردني الكبير موسى حجازين"
الجينز يجلب الفال السيئ؟؟!!
عملية السطو هذه مسجله لغايات ضبط الجوده.
من يوم ما دولتك لبست الجينز صار سطو على بنكين خلال اسبوع.
الشعب بدو لوك جديد & الشعب بدو لوك جديد & الشعب بدو لوك جديد🧛♂️
بس بحب اطمنك انه عملية السطو اجت والحمد لله طبيعيه مش سيزيرين.
المهم ما تهكل هم كلهن 16000 دينار ارمي من ورا ظهرك خليك مركز بشغلك (تشليح الناس)
واللي طمني اكثر انه سعر صرف الدينار قوي جدا بفضل حكومتكم والدليل كل السطو صار بالدينار ما مدوا ايدهم لا سمح الله على دولار واحد ( اخس يالدولار)
دولتك ذكرتونا بباب الحاره هذا السطو هو الجزء الخامس من مسلسل سطو البنوك
بس بيني وبينك زهقناه بدنا اشي جديد.
بنستناك على رمضان مش تنسى...
