هذا ما حدث مع الثانية على مستوى الاردن في الفرع العلمي

لسا بتذكر مدرستنا في البدايات كانوا دائما مهتمين بكل التفاصيل مش بس اكاديميا كمان اهتمام بالاخلاق و بناء الشخصية و تطوير المهارات بكل المجالات من خلال قسم الانشطة بقيادة مديرة الانشطة منار عبدربه و الذي يحرص على تبني قدرات الطلاب من خلال المؤتمرات البيئية والمسابقات و المبادرات والحملات الوطنية...

الحمدلله سنة ورا سنة في هاي المدرسة كنت عم بكبر و بتطور وبشارك في نشاطات مميزة و اشوف المدرسة عم تكبر معي و عم يتغير كل شيء فيها للاحسن .

و بفضل الله تعالى في كل سنة كنت الاولى على صفي ، جهود المعلمين من المرحلة الاساسية للمرحلة الثانوية كانت جبارة و انا ممتنة لكل حدا منهم درسني و فادني بعلم. حتى وصلنا لليوم يوم ظهور نتائج الثانوية العامة و أتفاجأ بأني الثانية على المملكة …

حلم كنت افكر فيه من اول التوجيهي وحلم كان هدف مدرستي من سنين وفي كل سنة كانو بطمحوا إلو و اليوم اختارني رب العالمين لاحققو و استجاب لكل دعاء دعيتو في هاي السنة الحمدلله رب العالمين ما في شيء مستحيل

شكرا للمدارس الرقمية الامريكية بيتي الثاني الي بعتز و بفتخر باني كنت طالبة فيه .