وزير آثار مصري سابق يهاجم الأذان (فيديو)

مدار الساعة - سادت حالة من الغضب على شبكات التواصل الاجتماعي، في مصر، بعد تهجم وزير الآثار المصري الأسبق زاهي حواس على رفع الأذان عبر مكبرات الصوت، زاعماً أنه يزعج السياح في البلاد.
وفي مقابلة له مع برنامج نظرة الذي يقدمه الإعلامي حمدي رزق على قناة صدى البلد، الجمعة 4 نوفمبر/تشرين الثاني 2022، أبدى حواس إعجابه بالكاتب المصري إبراهيم عيسى عندما انتقد الأذان.
وقال حواس: "الأذان يفضل أن يتم جوه المسجد فقط، وليه 70 أذان؟! أنا مرة نمت في مينا هاوس عندي محاضرة تاني يوم، قمت على صوت الأذان بيقوم السياح اللي قاعدين".
حواس أضاف: "مفيش في الدين ما يقول إن يعمل الأصوات دي كلها، إحنا دولة سياحية ولازم نحافظ على راحة السائح، في حاجات لازم نبطلها عشان نجيب السائح، والأذان إزعاج للناس، ودي شكوى بيشتكي منها السياح، ومش موجود في أي حتة في الدنيا غير عندنا".
غضب المغردين
تصريحات زاهي حواس أثارت غضباً واسعاً على شبكات التواصل، مستنكرين تدخلاته وأمثاله وتطاولهم على الأذان، إذ قال أحد المغردين ويدعى حمدي: "زاهى حواس زعلان من الأذان وأنه يزعج السياح طيب السياح يتعرضوا للتحرش زي ما حصل معهم عند الأهرامات. أمناء الشرطة والمخبرين بيتلموا عليهم يبهدلوهم علشان بيصوروا. لما يتعرضوا للاستغلال من الباعة ويعملوا فيديوهات بعدم زيارة مصر م اللي شافوه ومش بسبب الأذان، لكن زاهي ميقدرش يتكلم".
وقال مغرد آخر ويدعى شريف: "زاهي حواس بيشتكي من صوت الأذان، وإبراهيم عيسى بيشتكي من الصيدلي اللي بيقرا قرآن، وخالد منتصر بيشتكي من الأزهر، ولميس جابر بتشتكي من البوركيني، والنسويات بيشتكوا من الحجاب، والمسيحيين بيشتكوا من المطاعم في رمضان، والدكتور بيشتكي من سعودي وقت صلاة جمعة.. لهم حق بصراحة".
أما سامح صفوت فغرد قائلاً: "زاهي حواس طالع يقول إن السياح بيتضايقوا من الأذان لما يرفع من المساجد مع أن عمرنا ما سمعنا ولا سائح قال كده في أي بريفيو عن زيارته لمصر. بالعكس في كتير من اليوتيوبر الأجانب كانوا بيصوروا فيديوهات والجوامع في الخلفية وقت رفع الأذان وكانوا مبسوطين جداً".
فيما قال مغرد آخر: "هو بس الناس اللي زي زاهي حواس مصابة بالإسلافوموبيا ربنا يشفيهم، بالمناسبة أنا سمعت الأذان في الإمارات والسعودية وأكيد موجود في كل بلاد الإسلام مش في مصر ولا حاجة زي ما المدلس ده بيقول". عربي بوست