ترامب شيخ النور

جمال المعايطة

وفي كل عام كان يزور قريتنا مجموعة من النور.. يخيمون بخيم بسيطة هي خرابيش... لهذه المجموعة قائد.. تتوسط خيمته الخيم.. يشتهرون بصناعة الشباري والغرابيل وتصليح الاواني النحاسية والبوابير ومن المهن المحترفة عندهم صناعة سن الذهب.. نساؤهم على قدر عالٍ من الجمال والشقار .. جمال غجري .. ومما كان معهم كلاب سلق خاصه بالصيد.. النساء تتسول تطلب قوت اليوم والرجال في خيمهم قابعون يمتهنون مهنتهم بكل دقه واتقان.. اغلب القرية شيباً وشباناً يتعذرون ويتحججون الحجج لزيارة تلك الخرابيش.. اللي حامل غربال واللي شايل طنجره واللي فاتح ثمه يشكوا الالم.. الخربوش زغير والكل فيه ضيوف ومعازيب واله ريحه خاصه من اللحام وتصنيع الشباري .. كل القريه بتحمل شباري ... اللي ما عنده عذر لزيارتهم ربما يضطر لتخريب طاحونته او طنجرته او يلطش البابور في رجله.. أحيانا يكون هناك ليالي سمر يتخللها رقص ودنص وهيكا... القريه كلها بتتحول لمحسنين ..الشاطر اللي يتحسن على نوريه في اواني بيته.. وبعدين زيارتهم على افواج .. الصبح للعيال الزغار وللظهر للشباب وبعد العصر للرجال.. بعد المغرب للختياريه اللي بشكوا كثير من طواحينهم....شيخ النور يعني مستشيخ وناسف على كتافه محزم فشك وما معه بندقيه ...والسعيد اللي برافقه لرحلة صيد مع كلبه السلق.....على الاغلب تجمعهم بقعد من اسبوع لثلاث لحتى يصلحوا كل طناجر وبوابير القريه ويسكروا كل خزق بطاحونه ...بس يرحلوا بنروح نتفرج على اماكن تخييمهم ...على الاطلال بركدن شقفة قماش مرميه او سن ذهب مرمي.. ناسيين انه كل قعدتهم شحاده واكلهم وشربهم علينا... زيارة ترامب للمنطقه اشبه بزيارة شيخ النور.. شايل هالحشمه على جنبه وكل العرب حملوا طناجرهم واسنانهم وتسلحوا بشباري نور.. توقعت ليله صاخبه يتخللها نقوط من ختيارية تالي الليل... ويشدي اقول ...عطاري الديمقراطيه نطالب بكوتا نوريه