اليماني يكتب: المزين.. ومقص الراعي

كتب: عبد الله اليماني كبار البلد كل واحد منهم له (مزين خاص )، يحمل شنتته ويروح لعنده إلى فيلته أو قصره وهناك يزينه. إلا أمثالي (الغلابة) نحلق عن عند حلاقنا، حلاق ( الغلابة ) ب( 3) دنانير ندفعها كل آخر شهر (دينه). حلاقنا زينا زيه، ما هو قادر يفتح باب صالون الحلاقة لكي يتسبب ، يحلق للزباين ، ويصرف ع أولاده وأسرته ويدفع إيجار المحل . اتصلت معه واتصل غيري معه، وهو يردد كلمه واحده (بدك تسجني) . ممنوع افتح الصالون . الله يستر بيتك لا تسجني ..أنت حبيبي .. ومش قادر أخدمك ، واخدم نفسي .عذرته مع انه الصديق وقت الضيق. بالقرب من بيتي شفت راعي غنم مشيت نحوه مرحبا يا الاخو.. قال لي : خلك بعيد عني . الله يرعاك .قلت : وش بلاك ما تسلم . فرد وهو يضحك ..وينظر إلى شويهات.. ويضرب عليهن بحجر كان بيده .. سلم سلام احباب بس ارفع ايدك.. رفعت ايدي مستسلما لطلبه. قلت له: أنت شاطر. قال لي: بيش شاطر .. قلت له : تزين لي . نظر لي بطرف عينه . وقال: يرعاك الله ..أنت جاي تكب بلاك علي . قلت : معاذ الله . أنا احكي الصدق . نظر إلى هاتفه الخلوي . وقال : يا خوك كل شي صار بها الزمان ( اون لاين). ضحكت بقلبي . وأنا مكشر . ونظر لي . نظرة استغراب كأنه مو مصدق . لكنه شافني حامل بيدي (اسحله). فقال لي : هات ( ألسحله) أملاها لك حليب يشربوا منها عيالك. واترك عنك السوالف الفارطة. قلت : لا.لا مشكور يا خوك . ما ودي حليب ، سلامة الحليب الناشف. قال لي: خل عنك ذاك الحليب .. وخلك قريب من حليب الغنم. حليب الغنم لذيذ وفيه فايده . ربينا عليه ، وربي عيالنا ع الحليب الطبيعي . شكرته مرة ثانية . وقلت له : يا خوك شعري ، طويل ومضايقيني . ودي اتزينلي بمقص الغنم . انتفض صاحب الشويهات . وراح يركض ورا الغنم وهو يتمتم ويقول : أعوذ بالله من الشيطان . وعاد لي وهو يقول : حنا تقدمنا وجاي ودك ازينلك بمقص الغنم . اليوم يا خوك: الغنم عندنا لها مقص ع الكهربا. اخذ ألسحله وركض ورا انعجه ومسكها وحلبها. وقال : صحة وعافيه . ودور ، ع حلاقك ترى كل الحلاقين ناي مين. تركته يعزف ع الشبابة. يا محلا قدر الرشوف كل ما برد نهجم عليه. ويا سعد لو تشوف الشعر صرت هبي والكل يدعي لرب .. يفرجها ونوجه كل يوم خمس مرات نحو ألقبله.