مع الأردن فقط وليس غير

بقلم الشاعرة عبير يعقوب الطيطي (بالهجة المحكية) الله يحمي أردنا.. شو قولك عن بلد رباها اب كبير احتوى جميع فئات الشعب وتفاصيل البلد وهمومها وافراحها واحزانها واعتبرها جزءاً من حياته العائلية.. زرع في عائلته وفي صفوف الشعب حب الوطن حتى صار الهدف واحداً والغاية واحدة فلا غاية تبرر الوسيلة الا حب الوطن.. ليس هناك يا حسين اعظم من موقف المعلم.. ان نجلك ونذكرك فيه وقضة اضرابه وآلية حلها بقبس من روحك وترببيتك وتعليمك ايها القائد المعلم الباني رحمك الله ياحسين بن طلال بن عبدالله يا ابن الهاشمين الاجل مكانة بين الملوك والشعوب وياأعز قبيلا.. بباسطة حكاية هالبلد الصغير وياريت ماتملوا من حكايتي مابدي احكي عن رقي التعامل ومواقفه السامية في حل اي مواجهه او احتجاج او اضراب او مظاهرة على وجه الخصوص لانه هاد شي صار ملموس وواضح للجميع بدي احكي عنه تاريخة ومواقفه وقوميته وعروبته او بالاصح اذكر فيهم ....بباسطة بدي اتغزل فيك يابلد.... بستغرب من اللي بفكر الأردن وطن ضعيف وسهل كسره .. كل شخص بفكر أنه الأردن بلا مقومات وهش هو إنسان حافظمشفاهم.. هذا الوطن مشروع كبير ومستمر من زمن الأنبياء ..
هذا الأردن وطن الحشد والرباط والتحرير ..
هذا الوطن أكبر من أنه يجي واحد بفكر حاله فهمان وينظر علينا معادلات اقتصاديه وخرائط سياسية ويشبعنا خوف من بكرا وبعد بكرا ..
هذا الوطن رح يظل مستقر ونخلق ليظل مستقر .. هذا الوطن أكبر من عمره .. إنولد ونخلق من أول لحظة كبير
#أب .. رضي يتحمل مسؤوليات كبيره وصعبه ..
آثر على نفسه وأهله وشعبه ليحتضن الآخر بكل محبه وصدر رحب ..
قسم الفرشه والخبزه بكل رضا وبعده بقسم ورح يظل يقسم.
# ابن بار عايش بنفس وبدعاء والديه وبقوم من كل وقعه ببر والديه وبركة دعائهم اله برغم من الي دنسوا سمعته وعاثوا فسادا. هذا الوطن الشهم النخوجي الكريم بيستحق إنك تشكره لأنه بحارب لحاله .. لأنه وطن كبير بفكر بغيره مش أناني ..
فإذا ما بدك تنصفه #أسكت .. هذا الوطن حكى عن الربيع العربي وعن مشروع الهلال الشيعي بالوقت اللي كان الكل نايم في سبات وما حد حاب يسمع أو يصحى.. هذا الوطن بتحداك تجيب منافس اله بالحريه، بالموارد البشريه رغم ضعف موارده الإقتصادية ، هذا الوطن مش وطن صدفه ..
هذا الوطن جذوره واصله للنبي سليمان ونوح ولوط وهود ويوشع ..
هذا وطن مغطس اليسوع ..
هذا الوطن وطن عشرة آلاف مقام من مقامات الصحابه من امين الامه ابو عبيدة لمؤذن الرسول " ص " بلال بن رباح .. لشاعر الرسول " ص " عبدالله بن رواحه .. لجعفر الطيار و زيد بن علي الحسين اللي الفرس / إيران، حلمهم يدخلو قرية المزار الجنوبي في الكرك بس سياحه، اكيد انت فاهم..؟ المهم ..
إبحث عن وطنك، أعداء الوطن والحاقدين بدهم تكون مواطن بلا هوية ولا تاريخ .. أنا أردني وقوميتي عربيه، وكلي فخر بهويتي وديني وبتركيبتي وجيناتي وأصلي وفصلي ورافع راسي، ولا مره حسيت اني مواطن قزم أو نكره عشان كم فاسد نهبوا البلد ..
هذول بموتو بس الوطن خالد يا اوباش ..
هذا الوطن الي عامل مثل الشب الآبضاي الي كل نخوة وهمم بوزع رجولة عن الدنيا كلها هذا الوطن مين مااتنخاه بلاقيه بصدر اي مواجهه واي معركة
ورب واحد وشعب واحد ودرب واحد عندها تعرف انك أنت هنا في الاردن ففي زمن عبدالله الاول كانت تحرير واستقلالية وطن وفي زمن الحسين عرفنا من حولنا وعرف العالم من نحن وعرفوا سياسة تعاملنا وأهمية موقعنا الجغرافي ومدى إمكانيات ذلك البلد الصغير وفي زمن الحسين بدأ شموخ وطن وبناء دولة بسموح وفضل وكرم وعز وتنمية وعمل وحزم ونصرة للمبادئ مع عدم التخلي عن الأصالة والمرؤة والقيم وفي زمن عبدالله الثاني إكتملت وإكتحلت منظومة الوطن فيا حروف العز سطري إسم الأردن عاليا بالفخر والمجد التليد وياالله احفظ عليه امنه وآمانه..
تحية اجلال واكبار لكل من عرف معنى الاستقلالية بعروبة كل عربي وقومية كل قومي وحافظ على وطنية غير منقوصة دين واخلاق وعروبه في كل القضايا والمحن التي عصفت بنا وبه ولكل يد ساهمت في بناء وطن ووطنية دون الطائفية والعنصرية.
يسعد مساااااااااكم
وكيف الهمة ....