الحاوي تكتب: موطني لمتنا معك بالحلوة قبل المُرة

كتبت: اﻻء عماد الحاوي

أردني ، يا أردنية، يا نشمي ، يا نشمية، يا ابن امك وابوك الأردنية، يالي خبز لشراك فتيت وعلى منسفك حطيت لحمك البلدي وبلبنك الي منو ضيفك غديت، ومن قهوتك الي فاح منها الهيل أسقيت ، نشمي والك العز كل ما جاا طاريك كنت حاضر، وبغيابكك يناقل فيك الف بيت وبيت ، أردني وتقول بين الفصايل من بلاد براا هذول عزوتي وين ما حليت، من سيدي ابو حسين لأبسط بيت، قبل لنده واعلي الصوت يجوني من كل ناحية وبيت، ابشر يخوي معك ع الموت وبالروح نفديك،هذول هلّي وهذا الي من الشمال أمي وذاك الي من الجنوب ابوي وبالوسط خالي ودار عمي ، لمتنا بالحلوة قبل المُرة يناقل فيها الشعر كل مرة،نشمية وتقول حيو ضيوف داري حيو ضيوف ابوي ضيف البلد بالروح نحميه هذاي وصاة جدي و سيدي محمد المختار ، أشيل فيها كل من لفى الدار ،وأنا الي بأيدي من زاد الدار اطعميه واجود بكل ما جود، لانو ابوي وأهلي ونشامى وطني نشامى الكرم والجود ، أرفع راسهم وسيطهم بين الخلايق مرفوع. هذول النشامى ، نونهم... نحمي كل الخلايق ..شينهم.. شهامة نسوانها وزلامها...الفها ... أسد في الوغى يحمي بلدنها.. ميمها ... ما نركع إلا لخالقنا .. الفهاا ...انا الي بفديها برروحي كل واحد منا قالها... وقالووو كوراناا جت من الصين قلنا حيا الله بالي كتب الله وانا بالبيت ظليت...


جميع الحقوق محفوظة لوكالة مدار الساعة الإخبارية