«إزاي تنسي حبيبك في 7 خطوات» على طريقة رضوى الشربيني (فيديو)

مدار الساعة - تصدرت الإعلامية المصرية رضوى الشربيني “ترند” موقع “تويتر” بعد إحدى حلقات برنامجها “هي وبس”، والتي قدمت خلالها نصائح للبنات عن كيفية نسيان الحبيب في 7 خطوات.

وجاءت الـ 7 خطوات كالتالي:

1- “أول يومين ثلاثة هتقطعى شرايينك فيهم وتعيطي وهتبقى متضايقة وهتبقى وحيدة وهتبقى زي ما بتقولوا بالبلدي بتتفركى عشان تعرفى هيكلمك امتى ومش هاكلمك امتى”.

2- “بعد الخطوة الأولى عن تجربة لازم تشتغلى ونكمل حياتنا مع بني آدمين محترمين يقفون بجانبنا ونخرج مع أصحابنا ونملأ الـ 24 ساعة على مدى اليوم”.

3- “في اليومين دول هتحسى بغربة هتسرحى فيه شوية وانتى قاعدة مع الناس هتتمنى إنه يكلمك لكن بعد شوية من الوقت هتلاقى الكلام دا كله رااااح”.

4- “الصلاة والصدقة بنية راحة القلب والدعاء بيارب شيل حبه من قلبى وهتعلم لغة وكل ما هو جديد”.

5- “هنقرر إن مش عايزين ندخل في علاقة جديدة نهائيا فبلاش تداوى جرح بجرح لازم ناخد شوية وقت بدون رجل بدون حب بدون علاقة كل شىء في الجسم هيكون معطل ما عدا المخ هو بس اللى هيشتغل”.

6- “بعد وقت قليل جدا عندما تغمضي عينك وتفتحيها وتوقفي أمام مرايتك هتحسي ولا كإنه موجود وإذا شوفتيه في مكان احتمال تشبهى عليه وربنا هيشيله من قلبك وعقلك تماما طول ما انت بتدعي من قلبك يا رب شيله من قلبي يا رب شيله من عقلي وحياتك هتستمره وتعملي فلوس وشغل”.

7- “خلى بينك وبين ربنا عمار سوف يضع في طريقك الرجل الصح لأن ربنا رب قلوب”.